ஸ்ரீ பாலவிநாயகர்

இவ்வாலயத்தில் எழுந்தருளியிருக்கும் பால விநாயகர் நூதன லட்சணங்களுடன் மகாசக்தி பெற்று விளங்குகிறார்.

பால விநாயகரின் துதிக்கைகள் வலஞ்சுழியாகவோ இடஞ்சுழியாகவோ இல்லாமல் ஆசிவாதம் செய்வது போன்று அமைந்திருக்கிறது. இந்த பாலகணபதி ஈஸ்வரன் அம்சத்தையும், சக்தி அம்சத்தையும் பெற்றிருப்பதால் நெற்றிக் கண்ணும், வலது கையில் சின்முத்திரையும், இடது கையில் பூமி உருண்டையும் வைத்திருப்பது போலவும் கிரீடத்தில் சூலமும் அமைக்கப்பட்டுள்ளது.

கணபதி என்றால் நெற்றிக்கண்ணையுடைய சிவபெருமானைக் குறிக்கும். அதுவே பிற்காலத்தில் திரிந்து கணபதி என்று வந்திருத்தல் வேண்டும். சிவன் சக்தியோடு இணைந்து காட்சி தரும்போதுதான் பிரயோகப் பிழம்பாக விளங்குகிறான். எனவேதான் நமது பாலகணபதியும் சிவசக்தி வடிவில் காட்சி தருகின்றார். இதைப் பின்வரும் கணபதி மந்திரம் உணர்த்தி நிற்கும்.

’ஓம் சிவசிவ ஓம்
ஓம் ஸ்ரீம் மகா கணபதயே நமஹ
ஓம் வயநமசி வங் கணபதி வகார கணபதியே நமஹ
ஓம் யநமசிவாயங் கணபதி ய்கார கணபதியே நமஹ
ஓம் நமசிவாயங் கணபதி நகார கணபதியே நமஹ
ஓம் மசிவாயந மங் கணபதி மகார கணபதியே நமஹ
ஓம் சிவாயநம சிங் கணபதி சிகார கணபதியே நமஹ
ஓம் ஐகணபதி ஸ்ரீம் கணபதி
உலகெலாம் உன் வசமானது போல்
எம் வசமாக ஸ்வாஹா’